नवलपुर, १६ पुस । पूर्वी नवलपरासीको कावासोती नगरपालिका ११ लौगाई भित्री सडक खण्डमा मोटरसाइकलको ठक्करबाट एक जना बालिकाको निधन भएको छ ।
जिल्ला प्रहरी कार्यालय नवलपुरका अनुसार कावासोती न.पा.–११ लौगाई स्थित भित्री सडक खण्डमा लु २७ प ३१६१ नम्बरको मोटरसाइकलको ठक्करबाट पैदल यात्री लौगाई निवासी ८ बर्षीया बालिका सरस्वती गौतमको निधन भएको हो ।
मोटरसाइकलको ठक्करबाट गम्भीर घाइते भएकी बालिकाको उपचारको क्रममा मध्यविन्दु जिल्ला अस्पताल डण्डामा निधन भएको हो । मोटरसाइकल र मोटरसाइकल चालकलाई जिल्ला प्रहरी कार्यालय नवलपुरले नियन्त्रणमा लिएको छ ।