बुटवल ११ साउन
गुल्मीको सत्यवती गाउँपालिमा गएको पहिरोबाट प्रभाबितलाइ राहत तथा पुर्नस्थापनाका लागि बुद्ध सामुदायिक टेलिभिजनले अभियान संचालन गरेको छ । टेलिभिजनले रेडियो जागरण र नागरिक आवाज अनलाइनसंगको सहकार्यमा पहिरो प्रभावितलाइ राहत तथा पुर्नस्थापनाका लागि कोष संचालनमा ल्याएको हो । शुरुवातको चरणमा टेलिभिजनका कर्मचारीले एकमुष्ट १७ हजार रकम प्रदान गरेका छन् । बुटवलको राजमार्ग चौराहामा रहेको एनआइसी एसिया बैंकमा खाता नम्बर १८९८७५०४६१७२९००१ मा रकम जम्मा गरिएको छ । सहयोग गर्न चाहनुहुने महानुभावहरुले यक्त खातामा रकम जम्मा गर्न सक्नु हुने छ ।
पहिलो दिनमै करिब १ लाख रकम सो खातामा संकलन भएको अभियानका संयोजक तथा टेलिभिजनका अध्यक्ष पृथबहादुर फौदार पृथ्वीले बताए ।
अभियानमा जोडिएर मानवीय सेवा गर्नका लागि एनआइसी एसिया बैंकमा रहेको खाता नम्बर १८९८७५०४६१७२९००१ मा रकम जम्मा गर्न सक्नुहुनेछ ।
सहयोग गर्न चाहनेले ९८५७०२६५७० पृथबहादुर फैदार ,९८५७०२८१३७ ओम ज्ञवाली,कपिल ज्ञवाली ९८५७०३३०८८,बिनोद पहाडी ९८५१०१७६७३,बिनोद परियार ९८५७०७०१६१ तथा जिन्सी सहयोग गर्न चाहनेले बुद्ध टेलिभिजनको कार्यालयमा सम्पर्क गर्न सक्नुहुनेछ ।
जिन्सी सहयोग गर्न चाहनेले बुद्ध टेलिभिजनको कार्यालयमा सम्पर्क गर्न सक्नुहुनेछ । गुल्मीको सत्यवती वडा नम्बर ३ ठूलो लुम्पेक र वडा नम्बर ४ लिम्घामा गएको पहिरोमा ज्यान गुमाउनेको संख्या १३ पुगेको छ । पहिरोका कारण ६ सय परिवार घरबारविहीन भएका छन् । उनीहरुलाई सामुदायिक विद्यालयमा राखिएको छ । पहिरो प्रभावित परिवारहरुलाई घरडाँडा, अस्लेवा, रामबारी, धर्मपुर मावि, ढुङ्गाचाल्ने, भानु प्रावि, धर्मपुर प्रावि, सरस्वती मावि लगायतका स्थानमा राखिएको छ । प्रभावित क्षेत्रमा नेपाली सेना, सशस्त्र प्रहरी र नेपाल प्रहरीको टोली परिचालित छन् ।
