तिलोत्तमाको शँकरपुरदेखि भलवारीसम्म बृक्षारोपण

संसार पोष्ट
तिलोत्तमा, ११ साउन । तिलोत्तमा नगरपालिले सुरु गरेको बृक्षारोपण अभियान अन्तर्गत नगरपालिकाका विभिन्न वडा तथा टोलहरुमा बिरुपा रोप्ने काम भैरहेको छ ।
अभियान अन्तर्गत बिभिन्न वडा तथा टोलले आफ्नो वडा र टोलमा प्रत्येक दिन जसो फलफुल तथा बनस्पतिका बिरुवा रोपेका छन् ।
अभियान अन्तर्गत तिलोत्तमा नगरपालिकाको सिद्धा
र्थराजमार्गमा बाँकी रहेको स्थानमा समेत बृक्षारोपण गरिएको छ । नगरपालिकाको वडा नम्वर ९ को आयोजना र मङ्गलापुर पुर्ब टोल विकास संस्था, शंकरपुर टोल विकास संस्था, तुल्सपुर टोल विकास संस्था, मिलिजुली टोल विकास संस्था, विभिन्न आमा समुहहरु, क्लबहरु तथा संघसंस्थाका सदस्यहरुको सहभागितामा सिद्धार्थराजमार्गको शंकरपुर चोकदेखि भलवारीसम्म सडकको दायाँबायाँ डिभाइडर र बिचभागमा सरसफाई सहित बृक्षारोपण गरिएको छ ।
शुक्रवारदेखि सुरु गरिएको बृक्षारोपण अभियान अन्तर्गत सिद्धार्थराजमार्गको दायाँबायाँ डिभाईडरमा ६ सय वटा अलसटोनिया र बिचमा ६ सय वटा बेगनवेली फूलका विरुवा गरी १२ सय बोटविरुवा रोपिएको वडा नम्वर ९ का वडाअध्यक्ष नारायण न्यौपानेले जानकारी दिनुभयो ।
वडा अध्यक्ष न्यौपानेका अनुसार वडा भित्र रहेका मठ्मन्दिर, सडकको छेउछाउ बन्दै गरेको वडा कार्यालय, सभाहल आसपास तथा बिभिन्न सार्बजनिक स्थलमा समेत फलफुल तथा बनस्पतिका बिरुवा लगाईने कार्यक्रम छ ।
‘ग्रीन तिलोत्तमा क्लिन तिलोत्तमा’ नारा तय गरी सरसफाई र बृक्षारोपणको अभियान चलाएको तिलोत्तमा नगरपालिकाले यस बर्ष ५० हजार विरुवा रोप्ने लक्ष्य राखेको छ ।