संसार पोष्ट
बुटवल, १० साउन । प्रदेश ५ लोकसेवा आयोगको अध्यक्षमा प्राध्यापक डिलाराम भट्टराई सिफारिश हुनुभएको छ । भट्टराई अर्घाखाँची जिल्ला सन्धिखर्क नगरपालिका वडा नम्बर १० का स्थायी बासिन्दा हुनुहुन्छ । महेन्द्र बहुमुखी क्याम्पस दाङका गणित विभागका प्रमुख भट्टराईलाई मुख्यमन्त्री संयोजकत्वको तीन सदस्यीय समितिले अध्यक्षमा सिफारिश गर्ने निर्णय गरेको हो । प्रदेश लोकसेवा आयोग गठनका लागि मुख्यमन्त्री, सभामुख र प्रमुख प्रतिपक्ष दलको नेता रहेको सिफारिश समिति रहने प्रदेश लोकसेवा आयोग ऐनमा व्यवस्था छ । समितिको सिफारिशको आधारमा मन्त्रिपरिषदको बैठकले आयोगको अध्यक्षमा नियुक्ति गर्ने निर्णय गर्नेछ ।
