स्कुल बसमा नक्कली नोट र लागूऔषध

संसार पोष्ट
कपिलवस्तु, १० साउन । कपिलवस्तुको मायादेवी गाउँपालिका वडा नम्बर–१ चाकरचौडामा स्कुल बसबाट नक्कली नोट र लागूऔषध बरामद गरिएको छ ।
पिपराबाट चाकरचौडातर्फ आउँदै गरेको लु १ क १५५४ नम्बरको पिस ग्लोबल इङ्गलिस बोर्डिङ स्कुलको बसको टुल बक्समा लुकाई राखेको नक्कली जस्तो देखिने ५ सय दरका ८८ थान नोट र १० पुरिया खैरो हिरोइन बरामद गरिएको हो । जिल्ला प्रहरी कार्यालयका अनुसार गाडी चालक मायादेवी गाउँपालिका वडा नम्बर ८ बस्ने २६ वर्षीय देउकी नन्दन कसौधनलाई नियन्त्रणमा लिइएको छ
। विशेष सुराकीका आधारमा बसलाई नियन्त्रणमा लिई नोट, लागुऔषध र वस चालकलाई पक्राउ गरिएको प्रहरीले जनाएको छ ।