कस्तुरीको बिना सहित रुपन्देहीको देवदहबाट ३ जना पक्राउ

बुटवल, २३ मंसिर । कस्तुरीको बिना सहित रुपन्देहीको देवदह नगरपालिकाबाट ३ जना पक्राउ परेका छन् ।
पक्राउ पर्नेमा रुपन्देहीको बुटवल उपमहानगरपालिका १० बस्ने २९ बर्षिय दिपक बिक, अर्घाखाँची जिल्ला छत्रदेव गाउँपालिका वडा नं २ का ३२ बर्षिय सुकुरद्दिन मिया र बागलुङ नगरपालिका ६, बागलुङका ३८ बर्षिय रमेश बिक रहेका छन् ।
उनीहरुलाई रुपन्देहीको देवदह नगरपालिका वडा नं १० भलुही स्थित टेक बहादुर बिकको घरबाट ६१.४४ ग्राम कस्तुरीको बिना सहित पक्राउ गरिएको इलाका प्रहरी कार्यालय बुटवलले जनाएको छ । घटनाको बिषयमा थप अनुसन्धान भैरहेको प्रहरीले जनाएको छ ।