बुटवल १८ मंसिर
बुटवलमा निर्माण गर्ने भनिएको निकै महत्वाकांक्षी तिनाउ दानव कोरिडोरमा विवाद उत्पन्न भएको छ । बुटवल उपमहानगरपालिका वडा नम्बर ११, १२ , १३ र १४ नम्बरका दानव नदी कोरिडोर निर्माण स्थलका स्थानियले आफुहरुको बैकल्पीक व्यवस्था विना कोरिडोर निर्माण गर्न नदिने चेतावनी दिएका छन । नगरका ४ वटा वडाका ७ वटा टोल विकास संस्थाको सम्युक्त संघर्ष समितिले विहिवार भेला गरि कोरिडोर क्षेत्रले प्रभाव पार्ने स्थानिय अव्यवस्थित र व्यवस्थित घर घडेरीलाई पहिला व्यवस्थापन गरेर मात्र विकास गर्न माग गरेका छन । गरीव जनताको ग्यांस वांसको व्यवस्था विना कोरिडोर निर्माण गर्न नदिने भन्दै विहिवार डिभिजन सडक कार्यालय बुटवल, बुटवल उपमहानगरपालिका, ४ वटा वडा कार्यालयमा ज्ञापनपत्र समेत बुझाएको संघर्ष समितिका अध्यक्ष बावुराम उपाध्यायले बताउनु भयो ।
ज्ञापनपत्रमा उनिहरुले खोलाको क्षेत्रफल ,सडकको भाग, फुटपात, हरियाली क्षेत्र लगायतको केकती क्षेत्रफल हो टुङगाउन, अर्थमन्त्री विष्णु पौडेलले भनेको र सडक कार्यालयको ईन्जिनियरले भनेको विषयमा फरक तथ्याङक सार्वजनिक भएकोले नदी तटीय क्षेत्रका जनतामा समस्या भएको उल्लेख गरेका छन ।
उनिहरुले कोरिडोर निर्माणको काम शुरुको जिरो विन्दुवाट शुरु नगरेर बिच भागवाट गर्न पनि नहुने माग गरेका छन ।
त्यस अघि भेलामा वोल्दै नेपाली कांग्रेसका बुटवल उपमहानगर पालिकाका सभापति खेलराज पाण्डेले विकास रोक्ने भन्दा पनि पहिला गरिव जनताको व्यवस्थापनको ग्यारेन्टी गरेपछि मात्र कोरीडोर निर्माण गर्न माग गर्नु भयो । उहाँले नदी किनारामा वसेका गरिव जनताको मन र आसुको व्यवस्थापन गरेर मात्र विकासमा जुट्न सत्ता संचालकलाई आह्वान गर्नु भयो ।भेलामा वडा नम्बर ११ का सदस्य नहकुल शाही, १४ का सदस्य युवराज सारुलेआफुहरुलाई कोरिडोरको वारेमा जानकारी नभएको बताएका थिए । नेकपा १३ नम्बर ईकाई अध्यक्ष दीपक पन्थी राष्ट्रिय जनमोर्चाका टन बहादुर केसीले जनताको भावना विपरित गएर विकास गर्न नहुने धारणा राख्नु भएको थियो । सयौ स्थानियको सहभागिता रहेको भेलामा गरिव जनताको उठिवास गरेर विकास गर्न पदैन, पहिला गरिव जनताको आखाँको आसु पुच्ने काम गरेर मात्र विकास गर्न माग गरिएको थियो ।
