बुटवल, १० मंसिर । गृह जिल्ला रुपन्देही आउनुभएका अर्थमन्त्री विष्णु पौडेललाई बुधबार बिहान नेपाल तरुण दल र नेपाल विद्यार्थी संघले कालो झण्डा देखाएका छन् ।
नेकपाका महासचिव समेत रहनुभएका अर्थमन्त्री पौडेलले मन्त्री पदसंग प्रदेश ५ को राजधानी साटेको आरोप लगाउंदै नेपाली काँग्रेको भातृ संगठनहरु नेपाल तरुण दल र नेपाल बिद्यार्थी संघका नेता कार्यकर्ताले गृह जिल्ला रुपन्देहीको बुटवलमा अर्थमन्त्रीलाई पौडेललाई कालो झण्डा देखाएका हुन् ।
रुपन्देहीको सैनामैना नगरपालिकामा आज आयोजना गरिएका बिभिन्न कार्यक्रममा सहभागि हुन बुधवार विहान त्यसतर्फ जांदै गरेका अर्थमन्त्री पौडेल विरुद्ध नारवाजी र प्रदर्शन गर्दै बुटवलको पुरानो वसपार्क अगाडी नेपालगञ्ज रोडमा तरुण दल र नेपाल विद्यार्थी संघका कार्यकर्ताले कालो झण्डा देखाएका हुन् ।
दोस्रो पटक अर्थमन्त्री भएपछि पहिलो पटक गृह जिल्ला आउनु भएका अर्थमन्त्री पौडेलको सुरक्षार्थ बुटवलमा बाक्लो संख्यामा सुरक्षाकर्मी परिचालन गरिएपनि सुरक्षा घेरा तोडेर काँग्रेस कार्यकर्ताहरुले कालो झण्डा प्रदर्शन गरेका हुन् ।
पौडेल बिरुद्ध हुनसक्ने सम्भावित बिरोध प्रदर्शनलाई मध्यनजर गरी बुटवल लगायत उहां सहभागि हुने कार्यक्रम स्थल वर पर समेत व्यापक रुपमा सूरक्षाकर्मी परिचालन गरिएको छ ।
