बुटवल, १४ असोज ।
रोटरी क्लव अफ बुटवलले बुटवल उपमहानगरपालिका र पश्चिम नेपाल बस व्यवसायी प्रालिसँगको सहकार्यमा लुम्बिनी बस टर्मिनलमा सेनिटाइज गेट निर्माण गरेको छ । कोरोना भाइरस (कोभिड १९) बाट यात्रुहरुलाई सुरक्षित गराउने उद्देश्यले बसपार्कमा सेनेटाइज् (निसंक्रमीकरण) गेट निर्माण गरिएको हो ।
अव बुटवल बसपार्कबाट छुट्ने लामो तथा छोटो दूरीका बसलाई निसंक्रमीत गरी सञ्चालन गरिने छ । त्यस अवसरमा बोल्दै बुटवल उपमहानगरपालिकाका प्रमुख शिवराज सुवेदीले कोभिड १९ बाट बच्न रोटरीले सेनिटाइज गेट निर्माणमा सहकार्य गरेकोमा धन्यवाद दिनु भयो । क्लवका अध्यक्ष सुनिल श्रेष्ठले यसबाट कोरोना भाइरसको संभावित जोखिमबाट यात्रुहरुलाई जोगाउन सकिने उद्देश्यले उपमहानगरपालिका र बस व्यवसायीसँग सहकार्य गरी सेनिटाइन गेट निर्माण गरिएको जानकारी दिनु भयो । उहाँले क्लव सधै सामाजिक काममा अग्रसर रहेको भन्दै अव छिटै नै मानव सेवा आश्रममा रहेकाहरुका लागि खाना खुवाउने कार्यक्रम आयोजना गरिने जानकारी दिए ।
पश्चिम नेपाल बस व्यवसायी प्रालिका सञ्चालक नारायण घिमिरेले यात्रुहरुको स्वास्थ्यलाई मध्यनजर गर्दै उपमहानगरपालिका र रोटरी क्लवसँग मिलेर गरिएको यो काम सह्रानीय रहेको बताउनु भयो । सेनिटाइज गेट निर्माणमा एसके ट्रेडिङले प्राविधिक सहयोग गरेको छ ।
