नवलपुरमा ८३ जनाले जिते कोरोना

नवलपुर, ८ असोज । पूर्वी नवलपरासीमा विहीबार ८३ जनाले कोरोना विरुद्धको लडाई जितेका छन् । रजहर प्राकृतिक चिकित्सालयमा उपचाररत ८३ जनाको विहीबार पिसिआर रिपोर्ट नेगेटिभ आएको रजहर प्राकृतिक चिकित्सालयका निर्देशक डा. विनोद पौडेलले बताउनुभयो । उनीहरुलाई विहीबार नै डिस्चार्ज गरिएको छ ।
विहीबार कावासोतीका १० जना, विनयी वित्रेणीका २५, गैडाकोटका १३, मध्यविन्दुका ५, देवचुलीका २६ र हुप्सेकोटका १ जनाले कोरोना जितेका छन् । त्यसैगरी रजहरमा उपचाररत बारा कलैयाका १ जना, चितवन भरतपुर महानगरपालिकाका १ जना र झापा भद्रपुरका १ जना पनि निको भएका छन् ।
रजहरबाट अहिलेसम्म ५ सय २७ जना निको भएर फर्किएका छन् भने अझै ६५ जना उपचाररत रहेका छन् ।