रोटरी क्लव अफ बुटवल साउथले विपन्न दुईसय जनालाई खाना खुवायो

बुटवल, १९ भदौ । रोटरी क्लव अफ बुटवल साउथले अति विपन्न परिवारलाई खाना खुवाएको छ । बुटवलको ट्राफिकचोकमा फूड बैंक सञ्चालन गर्दै आएको उक्त क्लवले शुक्रबार बिहान ट्राफिक चोकको दुर्गा मन्दिर परिसरमा आयोजना गरिएको खाना खुवाउने कार्यक्रममा करिव २ सय जना सहभागि भएको क्लवका अध्यक्ष प्रेम भुर्तेलले जानकारी गराउनु भयो ।
बुटवल उपमहानगरपालिका तथा ईलाका प्रहरी कार्यालय बुटवलको स्वीकृतिमा अति विपन्न परिवारलाई खाना खुवाउने कार्यक्रम आयोजना गरिएको हो ।
क्लवले शुक्रबार जस्तै शनिबार पनि खाना खुवाउने कार्यक्रम राखेको छ । शनिबार बिहान १० बजे हुने कार्यक्रममा सहभागि हुनकालागि अति विपन्न परिवारका सदस्यहरुलाई क्लवले आग्रह समेत गरेको छ ।
शाईन रेसुङ्गा डेभलपमेन्ट बैंक, ई–क्यान रुपन्देही र बुटवल महिला जेसीजको सहयोगमा फूड बैंक सञ्चालन गर्दै आएको रोटरी क्लव अफ बुटवल साउथले स्थानीय तथा बुद्धिजिवीहरुको सल्लाहमा खाना खुवाउने कार्यक्रम गरिएको र यो कार्यक्रमलाई आवश्यकता अनुसार बढाउँदै लगिने अध्यक्ष भुर्तेलले बताउनु भयो ।