बुटवल १४ भदौ
प्रदेश ५ को भौतिक पूर्वाधार विकास कार्यालय नेपालगंजका कार्यालय प्रमुख डिभिजन सिनियर ईन्जिनियर मनिष कुमार अर्याललाई अख्तियारले पक्राउ गरेको छ । प्रदेश ५ को भौतिक पूर्वाधार मन्त्रालय बुटवलमा कामको सिलसिलामा आएका कार्यालय प्रमुख अर्याललाई अख्तियार दुरुपयोग अनुसन्धान आयोगको कार्यालय बुटवलको टोलीले नगद ५ लाख ३० हजार रकम सहितआईतवार साझँ पक्राउ गरेको हो । कार्यालय प्रमुख अर्यालले ठेकेदारसंगवाट रकम बुझेको भन्ने सूचनाको आधारमा पक्राउ गर्दा सोत्त नखुलेको उक्त नगद रकम सहित मन्त्रालयवाट पक्राउ गरिएको अख्तियार दुरुपयोग अनुसन्धान आयोगको कार्यालय बुटवलका प्रमुख डा. भिष्म कुमार भुसालले बताउनु भयो ।
