रुपन्देहीमा ३५ दिनमा ३५ लाख बरावरको लागतमा प्रहरी आवास गृह निर्माण

बुटवल १० भदौ
जिल्ला प्रहरी कार्यालय रुपन्देहीमा प्रहरी आवास गृहको बुधवार अनौपचारिक शुभारम्भ गरिएको छ ।
कार्यालयको हाताभित्र प्रहरी श्रमदान तथा स्थानिय दाताहरुको सहयोगबाट निर्माण गरिएको हो ।
प्रहरी आवास गृहको रुपन्देही जिल्ला क्षेत्र नं. ३(१) का प्रदेश सभा सदस्य सन्तोष कुमार पाण्डेयको अगुवाई, र सहयोगदाताहरुको समेत सकृय सहभागिता रहेको थियो । दाताहरुको तर्फवाट नगद रकम नभई आवश्यक मात्रामा जिन्सी सामानको सहयोग प्राप्त भएको थियो ।
करिव ३५ दिन भित्रमा निर्माण सम्पन्न भएको भवन निर्माणमा ३५,लाख बरावर खर्च भएको छ ।
भवन निर्माण पत्श्चात करिव ४० जना प्रहरी कर्मचारीहरु सुविधा सम्पन्न भवनमा बस्न सक्ने भएको जिल्ला प्रहरी कार्यालय रुपन्देहीका प्रवक्ता तथा सूचना अधिकारी खड्कबहादुर खत्रीले बताउनु भयो ।