बुटवल १० भदौ
रुपन्देहीको तिलोत्तमामा सडक चौपायसंग स्कुटर ठोकिएर दुर्घटना हुदाँ एकजनाको मृत्यु भएको छ ।
तिलोत्तमा–३ सीता राइस मिलको पारीपर्टीकोे सडकमा गाई संग स्कुटर ठोकिएर दुर्घटना हुदाँ चालक तिलोत्तमा–२ शंकरनगरका ४० वर्षिय शंकर कार्कीको मृत्यु भएको हो ।
बुटवलबाट आफनो घरतर्फ जाँदै गरेको लु २६ प १४५५ नम्बरको स्कुटर गएराति सवा ११ बजे सडक दूर्घटनामा परि गम्भीर घाइते भएका कार्कीको मणिग्रामस्थित क्रिमसन अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय बुटवलका सूचना अधिकारी प्रहरी नायव उपरिक्षक डिल्लीनारायण पाण्डेले बताउनु भयो ।
मृतक कार्की विभिन्न सामाजिक संस्थामा आवद्ध हुनुका साथै लायन्स क्लबमा पनि क्रियाशील रहनु भएको थियो ।
गाईलाई बचाउने क्रममा दुर्घटना भएका प्रहरीले जनाएको छ । बुटवल तिलोत्तमा क्षेत्रमा छाडा चौपायको समस्या विकराल हुदाँ पनि स्थानिय निकायले सोको व्यवस्थापन गर्ननसक्दा मानिसको अकालमा ज्यान जाने गरेको छ ।
जिल्लामा छाडा चौपाय व्यवस्थापन गर्न नी गौशाला समेत निर्माण गरिएको छ तर उक्त गौशालामा चौपाय लगेर राख्न र सोको व्यवस्थापन गर्न नसक्दा होनहार कार्की जस्ता थुप्रै युवाले छाडा चौपायका कारण अनाहकमा ज्यान गुमाउन परेको छ ।
यस्ता सवालमा स्थानिय निकाय गम्भिर बन्न जरुरी देखिएको छ । युवा स्व.कार्कीको बुधवार नै पवित्रस्थल त्रिवेणीमा अन्तिम दाहसंस्कार गरिएको बुवा प्रताव बहादुर कार्कीले बताउनु भयो ।
