बुटवल, २९ जेठ ।
ढोरपाटन नगरपालिकाकी एक सुत्केरी महिलाईलाई नेपाली सेनाको शत्रुमर्दन गुल्मले उद्धार गरी अस्पतालमा लगेको छ । लकडाउनको समयमा सवारी साधन नपाइएपछि ढोटरपाटन नगरपालिका वडा नं. ९ पाखाथर बाग्लुङकी २० बर्षिय सिता वि.क.लाई उद्धार गरी गुल्मले अस्पतालमा लगेको हो । वि.क. सुत्केरी भई अत्याधिक रक्तश्राव भएको र उच्च रक्तचाप समेत देखिएकाले बाग्लुङ बुर्तिवाङ स्थित बुर्तिवाङ प्राथमिक स्वास्थ्य चौकीमा पुराइएको गुल्मका सहायक गुल्मपती सह सेनानी नरेश अर्यालले जानाकारी दिनु भयो ।
लकडाउनमा सवारी साधनको प्रयाप्तता नहुदा गुल्मले मानवियतालाई ध्यान दिदै सहयोग गरेको उहाँले बताउनु भयो । गुल्मले यस अघि पनि विभिन्न व्यक्तिहरुलाई उपचारका लागि आवश्यक पर्दा लैजाने काम गर्दै आएको छ ।
