बुटवल ६ जेठ
रुपन्देहीको कञ्चन गाउँपालिकाको बिपद ब्यबस्थापन समितिले कोरोना भाइरसको संक्रमणको उच्च जोखिममा आफ्नो गाउपालिका कायम नै रहेकोले यही जेठ ८ गते राती १२ बजे सम्म अन्तर स्थानिय पालिका आवत जावतमा पुर्ण रोक लगाउने गरी गाउँपालिका शिल गरेको छ ।
नेपाल सरकारले देशभर लकडाउनको समय जेठ २० गते सम्मको लागि थप गरेको र कञ्चन गाउपालिका कोरोना भाइरसको संक्रमणको जोखिममा रहेकोले गाउपालिका भित्र कोरोना संक्रमणको रोकथाम गर्न गाउँपालिका शिल गरिएको कञ्चन गाउपालिकाका अध्यक्ष गोकर्ण बहादुर क्षेत्रीले बताउनु भएको छ ।
स्थानिय पालिकाहरुसंग जोडिएको सिमानाकाबाट हुने आवत जावतलाई पुर्णरुपमा रोक लगाउन बिगतमा जस्तै स्थानिय युवा क्लव,आमा समूह,संघसंस्थाहरुलाई सिमानाकामा सुरक्षागस्तीका लागि आह्वान गर्ने समेत अध्यक्ष क्षेत्रीले बताउनु भएको छ ।
यसअघि भएको लकडाउनलाई प्रभावकारी बनाउन स्थानिय संघसंस्थाहरुको भुमिका निकै सह्रानिय भएको र संघसंस्थाहरुको सह्रानिय कार्यहरुको गाउपालिकाले मुल्यांकन गर्ने समेत अध्यक्ष क्षेत्रीले जानकारी दिनु भएको छ ।
अन्तर स्थानिय पालिका बिचको आवागमनलाई रोक लगाउन स्थानिय पालिकासंग जोडिएका सिमानाकाहरु जेठ ५ गते राती १२ बजे देखि जेठ ८ गते राती १२ बजेसम्म कञ्चन गाउपालिकालाई शिल गरिएको बिपद ब्यबस्थापनको बैठकले निर्णय गरेको कञ्चन गाउपालिका वडा नं. ५का वडा अध्यक्ष तथा कञ्चन गाउपालिकाका प्रबक्ता कृष्ण प्रसाद अधिकारीले जानकारी दिनु भयो ।
गाउपालिका शिल गरिएको अवस्था भएपनि आफ्नो गाउपालिका भित्र गाउपालिकामा उपलब्ध श्रोत साधनहरु प्रयोग गरी कृषि कार्यहरु गर्न गराउन पाइने र दुध र दुधजन्य पदार्थ तथा अत्यावस्यक दैनिक उपभोगिय खाध्यबस्तुहरु र तरकारीजन्य बस्तुहरुको खरीदबिक्री लकडाउन भरी बिहान ६ बजेदेखि बिहान १० बजे र सांझको समयमा दुधजन्य पदार्थहरुको मात्र सांझ ४ बजेदेखि ५ सांझ ५ बजेसम्म मात्र सामाजिक दुरी कायमगरी खरीदबिक्री गर्न गराउन पाइने समेत प्रबक्ता अधिकारीले बताउनु भएको छ ।
