तिलोत्तमा ११ वैशाख
तिलोत्तमा नगरपालिका रूपन्देहीको विपत् व्यवस्थापन कोषको सहयोगार्थ गौशालामा रहेका गाईहरूका लागि साइलेज (पौष्टिक आहार÷मकैको गुन्द्रुक) दाना हस्तान्त्ररण गरिएको छ ।
नगरको वार्डनम्बर ९ मा सञ्चालित उत्तम साइलेज उद्योगले तिलोत्तमास्थित इस्कोन गौशालामा २० क्विण्टल साइलेज दाना हस्तान्त्ररण गरको उद्योगका सञ्चालक अर्जुन पाण्डेले जानकारी दिनुभयो ।
गौशाला प्राङ्गणमा आयोजित एक कार्यक्रमबीच प्रदेश सरकारको पशुपक्षी तथा मत्स्य बिकाश निर्देशनालयका प्रमुख तुल्सी भण्डारीले साइलेज हस्तान्तरण गर्दै विपत्को समयमा राहतले दान र कल्याणको काम भएको भन्दै प्रशंसा गर्नुभएको थियो ।
इस्कोनका स्थानीय प्रमुख रत्न गुरूको अध्यक्षतामा भएको कार्यक्रममा उद्योगका सञ्चालक एवम् दाता भेषराज पाण्डेयले विपत्ले मानवसँगै पशुहरू पनि समस्यामा परेकाले अशक्त, विमारी, सुत्केरी तथा वृद्ध गाईहरूका लागि करिव ३५ हजार मुल्यको साइलेज प्रदान गरिएको बताउनुभयो ।
