सुन पसलको सेफ सहित चोरी,चोर गाडी लिएर आएको आशंका

संसार पोष्ट २५ असार
रुपन्देहीको जिल्लाको सिद्धार्थ नगरकोे वडा नम्बर ५ ब्यस्त बजार बैंक रोड स्थित ए आर सुन चाँदी पसल मा मंगलवार राती चोरी भएको छ ।
पसलको सटरको ताला फुटाएर भित्र रहेको फलामे तिजोरी सेफ नै चोरले चोरी गरेको जिल्ला प्रहरी कार्यालय रुपन्देहीले जनाएको छ ।
चोरले सेफ सहित १६ तोला सुन १२ तोला चाँदी र केही नगद लगेको पसल संचालकले प्रहरीमा जानकारी गराएको जिल्ला प्रहरी कार्यालय रुपन्देहीका प्रहरी नायव उपरिक्षक धर्म भण्डारीले बताउनु भयो । रातभरी ठुला पानी परेको मौका छोपी चोरी भएको प्रहरीको बुझाई रहेको छ । चोरीको अनुसंन्धान भैरहेको प्रहरीले जनाएको छ ।
चोरी भएको सुन पसल रहेको स्थान देखि जिल्ला प्रहरी कार्यालय को १ नम्बर प्रहरी बिट देबकोटा चौक १ मिटर पुर्ब मा छ भने २ सय मिटर पश्चिम मा मिलन चौक रहेको छ । पसलको ठिक अगाडि नेपाल रास्ट्र बैंक रहेको छ जहाँ नेपाली सेनाको चौबीसै घण्टा डियुटी हुने गर्दछ । चोरले १ कुन्टल ८० किलोको तिजोरी सेफ नै चोरी गरेर लगेकोले चोरीमा ठुलो संख्या सहभागि भएको अनुमान प्रहरीले गरेकोे छ । ए आर सुनचाँदी पसलका संचालक पक्क्लिहवा निवासी दीपक बिकले सेफ नै चोरी भएकाले चोरहरु सुविधा सम्पन्न गाडीमा आएकोे हुन सक्ने बताउनु हुन्छ ।