नवलपुर, ३ माघ । नेपाल कम्युुनिष्ट पार्टी (नेकपा) का प्रवक्ता नारायणकाजी श्रेष्ठले अमेरिकी परियोजना मिलिनियम च्यालेन्ज कर्पाेरेसन (एमसीसी) को विषयमा पार्टीबाट निर्णय भई नसकेको बताउनु भएको छ ।
पार्टीमा बहस चलिरहेको भए पनि निर्णय भईसकेको छैन, सचिवालयको बैठक बसे पछि मात्रै यस विषयमा लिने नलिने निर्णय हुने उहांले बताउनु भयो । राष्ट्रहित विपरित कुनै पनि काम तथा निर्णय पार्टीले नगर्ने समेत उहांले बताउनु भएको छ ।
राष्ट्रिय सभा निर्वाचनको सन्दर्भमा नेपाल कम्युनिष्ट पार्टी (नेकपा) नवलपुरद्वारा आयोजना गरिएको उम्मेद्वार, मतदाता र अगुवा कार्यकर्ता बीच भेटघाट कार्यक्रमका सन्दर्भमा कावासोती आउनुभएका पार्टी प्रवक्ता श्रेष्ठले पार्टीको वैचारिक कार्यदिशा र राजनैतिक कार्यदिशाको बारेमा प्रष्ट पार्नुभएको थियो ।
कार्यक्रमका श्रेष्ठले राजनीतिक परिवर्तन र क्रान्तिलाई नयाँ प्रयोगमा लैजान पार्टी एकता भएको बताउदै राम्रो काम गर्न समय लाग्ने भएकाले सरकारको काम राम्रो देखिन पनि समय लागेको उल्लेख गर्नुभयो ।
सोही कार्यक्रममा प्रवक्ता श्रेष्ठले ७७ सालमा पार्टीको महाधिवेशन हुन्छ र सोही समयसम्म आन्तरिक विवादका कुरालाई थाती राखेको उहांले वताउनु भयो । यही माघ ९ गते राष्ट्रिय सभाको निर्वाचन मार्फत् १८ जना सदस्यहरू निर्वाचित हुनेछन् र १ जना राष्ट्रपतिले मनोनित गर्नु हुनेछ । १८ मध्ये १६ सदस्यमा ने क पा ले उम्मेदवारी दिएको छ भने २ सदस्य २ नं. प्रदेशमा राजपालाई समर्थन गर्दै आफ्नो उम्मेदवारी दिएको छैन ।
नेपाल कम्युनिष्ट पार्टी (नेकपा) नवलपुरका जिल्ला अध्यक्ष रोशन बहादुर गाहाको अध्यक्षतामा कार्यक्रम भएको थियो ।
