बुटवल २५ पुस
बुटवलमा अन्तर्राष्टिृय आईटी सम्मेलन वर्डक्याम्प २०२० हुने भएको छ ।
सरकारले मनाउन लागि रहेको भिजिट नेपाल २०२०लाई टेवा पुराउने र आईटीमा कसरी विकास गर्न सकिन्छ भन्ने कुराको जानकारी गराउने लक्ष्यले बुटवलमा आईटी सम्मेलन वर्डक्याम्प आयोजना गर्न लागिएको आयोजक संस्था बुटवलका लिडर एवम सफटवेयर डेभलपरका माधव ढुंगानाले बताउनु भयो ।
संसारका प्रख्यात वबेसाईट बनाउने सफवेयर वर्डप्रेस सम्बन्धी सम्मेलन वर्डक्याम्प बुटवलमा पहिलोपटक आयोजना हुन लागेको यो सम्मेलन यस क्षेत्रमै नौलो र अन्तर्राष्टिृय स्तरको भएको आयोजकले बुटवलमा पत्रकार सम्मेलन गरि जानकारी गराएका छन ।
आउदो माघ ११ गते रुपन्देही जिल्लाको बुटवलको योगिकुटी स्थित लगं दरवारमा हुने भएको छ । वर्डक्याम्प विश्वव्यापी रुपमा आयोजना हुने अन्तर्राष्टिृय कार्यक्रम हो । नेपालमा बनेका वेबसाईटहरु मध्ये ६० प्रतिशत वेबसाईटहरु वर्डप्रेस प्लेटफर्ममा बनेका छन । जसका कारण यसको महत्व र यसवारे जानकारी लिन जरुरी रहेको बताईएको छ । वर्डप्रेस बहुचर्चित ओपन सोर्स सफटवेयर भएको र यसलाई सजिलैसंग सिक्न र प्रयोग गर्न सकिने भएकाले यसको प्रयोगमा गुणात्मक रुपमा वृद्धि भईरहेको पनि सो अवसरमा वर्डप्रेसका ढुगांनाले पत्रकार सम्मेलनमा बताउनु भयो ।
सम्मेलनमा नेपालका अनुभवी वर्डप्रेस विज्ञहरुका साथै भारत, जापानका ख्यातीप्राप्त २० जना वर्डप्रेस विज्ञले विभिन्न विषयमा आईटीसम्बन्धी प्रस्तुती दिने कार्यक्रम समेत राखिएको छ । सम्मेलन सम्पन्न गर्न ९ लाख खर्च लाग्ने, सहभागिवाट जनही १ हजार शुल्क उठाउने वर्डक्याम्पले केही सहयोग गर्ने र वाकी प्रायोजकहरुवाट संकलन गर्ने गरि तयारी गरिएको आयोजकले जनाएका छन ।
