रारा कृषि सहकारीमा ७१ पोका रगत संकलन

बुटवल, १३ मंसिर । रारा कृषि सहकारीले शुक्रबार बुटवलमा आयोजना गरेको रक्तदान कार्यक्रममा ७१ जनाले रक्तदान गरेका छन् । नियमित रक्तदान गर्दै आएको सहकारीले रगतको अभाव हुन नदिने उद्देश्यले रक्तदान कार्यक्रम आयोजना गरेको हो ।
कार्यक्रम रक्त सञ्चार सेवा केन्द्र बुटवलको प्राविधिक सहयोगमा आयोजना गरिएको हो । रक्तदानमा सहकारीका शेयर सदस्यहरुको सहभागिता रहेको कार्यक्रमका संयोजक तथा सहकारीका सचिव भुपेन्द्रप्रसाद अर्यालले जानकारी गराउनुभयो । रक्तदान कार्यक्रममा बोल्दै सहकारीका संरक्षक तथा निवर्तमान अध्यक्ष कलाधर पन्थीले बुटवलमा रगतको अभाव हुन नदिनका लागि नियमति रुपमा रक्तदान गर्नुपर्नेमा जोड दिनुभयो । तुल्सीराम पन्थीको अध्यक्षता र भुपेन्द्रप्रसाद अर्यालको सञ्चालनमा कार्यक्रम भएको थियो ।