बुटवल,१२ मंसिर
अर्घाखाचीका युवाहरुले ब्यवसायिक पंक्षी पालन क्षेत्रमा सामुहिक लगानी गरी ब्यवसाय अगाडी बढाएका छन । ६ जना युवाहरुले १ करोड भन्दा पनि बढी लगानी गरेर अर्घाखाँची र कपिलवस्तुमा पोल्ट्री फर्म सञ्चालनमा ल्याएका छन । उनीहरुले अर्घाखाँचीमा उत्पादन हुने कुखुराका अण्डाहरुलाई बुटवलमा ल्याइ विक्रि गर्न बुटवलको तीनकुनेमा विक्रि केन्द्र समेत सञ्चालनमा ल्याएका छन ।
पाणिनी गाउपालिकाका युवाहरु पदम घिमिरे, गिरिराज घिमिरे, भेषराज घिमिरे, कृष्णप्रसाद गैरे, भोजराज घिमिरे क्षेत्रीे, बावुराम पौडेलले उक्त रकम लगानी गरेका छन । अर्घाखाँचीको पाणिनी गाउपालिका ४ पटौटीमा पाणिनी स्वरोजगार कृषि फर्म सञ्चालन गरेका उनीहरुले त्यहा कुखुरा पालन गरेका छन । त्यस्तै कपिलवस्तु वाणगंगा १ वैरियामा पनि कुखुरा पालन गरेका छन । हाल १० हजार कुखुरा पालन गरेका उनीहरुले ८ जनालाई रोजगारी दिएका छन ।
दैनिक ८ हजार अण्डा उत्पादन हुने गरेको सञ्चालक पदम घिमिरेले बताउनु भयो । अर्घाखाचीमा उत्पादित अण्डा बुटवलको तीन कुनेमा बिक्रि केन्द्र राखेर बिक्रि शुरु गरिएको जनाएका छन । पहाडमा उत्पादन भएका अण्डा सिधै उपभोक्ता माझ पु¥याएकाले ताजा र राम्रो हुने उपभोक्ताको माग बढ्दो रहेको घिमिरेले बताउनु भयो ।
