नवलपरासी, ७ कार्तिक । जिल्ला प्रहरी कार्यालय पश्चिम नवलपरासीले लागुऔषध सहित २ जनालाइ पक्राउ गरेको छ । गेरमी प्रहरी चौकीबाट खटिएको प्रहरीको टोलीले पाल्हिनन्दन गाउँपालिका ५ चमनटोलाबाट २ जनालाइ पक्राउ गरेको हो ।
पक्राउ पर्नेमा मोटरसाइकल चालक रामग्राम नगरपालिका १० मन्झरिया बस्ने ४० बर्षिय बिश्राम हरीजन र मोटरसाइकल पछाडि सवार पाल्हिनन्दन गाउँपालिका ३ बेलासपुर बस्ने बर्ष २४ को बेचु गोसाइ रहेको जिल्ला प्रहरी कार्यालय पश्चिम नवलपरासीले जनाएको छ ।
भारतबाट नेपाल तर्फ आउदै गरेको यु पी ५६ डब्लु ४६८८ नम्बरको मोटरसाइकल लाइ रोकी चेकजाच गर्दा मोटरसाइकलको लेग गार्डमा झुण्डाइ ल्याएको झोलामा नाइट्राभेट टेन ५० पत्ता १५ सय एम्पुल, नुरफिन ५० एम्पुल, फेनारागन ५० एम्पुल, र डाइजेपाम ५० एम्पुल लागु औषध फेला परेको प्रहरीले जनाएको छ ।
पक्राउ परेका दुबै जना बिरुद्ध मुद्धा दर्ता गरी अनुसन्धान कार्य भैरहेको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक बिरेन्द्र थापाले जानकारी दिनुभयो ।
