कला, संस्कृतिको जगेर्नामा भैरव नाच सार्थक

बुटवल, १६ भाद्र
नेवा समाज अर्घाखाची रुपन्देहीले बुटवलमा ऐतिहासिक मौलिक भैरव नाच प्रदर्शन गराएको छ ।
आईतबार साँझ देविनगरस्थित लुम्बिनी वाणिज्य क्याम्पस परिसरमा नाच आयोजना गरिएको थियो ।
मौलिक भैरव नाच अवलोकन गर्न हजारौ दशनार्थीहरुको भिड लागेको थियोे । मौलिक भैरव नाच अवलोकन गदै प्रदेश सभासद भोज प्रसाद श्रेष्ठले नेपालको कला, संस्कृतिको जर्गेना गर्नमा यस्ता प्रदर्शनले महत्वपुर्ण योगदान पराउने बताउनु भयो । नेवा समाज अर्घाखाची रुपन्देहीका अध्यक्ष बाबुराम श्रेष्ठले प्रत्येक एक वर्षको अन्तरालमा जन्माष्टमीदेखि तिहारको औसीसम्म यो नृत्य हुने गरेको बताउनु भयो ।
भैरव नाच अन्तरगत कालो, सेतो, रातो भैरव र डंकनीको भेषमा यसैगरि टाकुनडोली, भुच्चा, लाहुरेलाहुरेनी, घोडानाच, चरानाच लगायतका नाच प्रदर्शन गरिएको थियो । नेपालको कला, संस्कृति र मुर्तिको विकासमा नेवार समुदायको योगदान रहेको सल्लाहकार देवि श्रेष्ठले बताउनु भयो ।स्थानिय नेवार युवाहरुलाई समेटेर नाचको कलाकारहरु समेत उत्पादनमा समाज लागेको अध्यक्ष श्रेष्ठले बताउनु भयो । भैरव नाचको कारण प्राकृतिक प्रकोप नहुने, अनिष्ट नहुने विश्वास गरिन्छ । नेवार समुदायहरुले घण्टाकर्ण देखि चाड शुरु भएको मान्दछन । काठमाडौं, गुल्मी, अर्घाखाँची, पाल्पामा यो नृत्य देखाउने गरिएको सचिव दुर्गा श्रेष्ठले बताउनु भयो । बिस २०७५ भदौमा स्थापना भएको संस्थामा २ सय घरधुरिहरुबाट सहयोग हुँदै आएको बताईएको छ । साँझ साढे ६ वजे देखि राति साढे १० वजेसम्म नाच प्रदर्शन गरिएको थियो ।