कक्षा ९ को ‘रोज’ समूह गार्गीको तीज विशेष प्रथम

बुटवल १४ भाद्र
बुटवल–११ देवीनगरस्थित गार्गी एकेडेमीमा तीज विशेष कार्यक्रम सम्पन्न गरेको छ । विद्यार्थीहरूको अन्तरनिहित प्रतिभा प्रस्फूटन गर्ने उद्देश्यले विद्यालयले विद्यार्थीहरूबीच प्रतियोगितात्मक तीज विशेष कार्यक्रम गरेको हो । प्रतियोगितामा कक्षा ९ को ‘रोज’ समूह प्रथम, कक्षा ६ को लोटस समूह द्धितीय र कक्षा ७ को रोज तृतीय भएको विद्यालयका सहप्राचार्य भुवन अधिकारीले जानकारी दिनु भयो ।
कार्यक्रममा १६ टिमको सहभागिता रहेको थियो । कार्यक्रमको उद्घाटन गर्दै बुटवल उपमहानगरपालिकाका उपप्रमुख गोमादेवी आचार्यले तीज पर्वको जर्गेना गर्नुपर्ने बताउनु भयो । उहाँले तीजमा विकृतिहरु पनि बढी देखिएको भन्दै त्यसलाई निरुसाहित पार्नुपर्ने धारणा राख्नु भयो ।
कार्यक्रममा विद्यालयका प्राचार्य बुद्धि कुँवरले विद्यार्थीलाई पढाइसँगै अन्य आफ्नो सांस्कार र चाडपर्वहरुको जानकार पनि गराउन आवश्यक रहेको बताउनु भयो । विद्यालयका अध्यक्ष रणबहादुर थापाको अध्यक्षतामा भएको कार्यक्रमको सञ्चालन सहप्राचार्य भुवन अधिकारीले गनु भएको थियो ।