बुुटवल, ११ भदौ । गुल्मी सेवा समाज कतारको समन्वय तथा ठूलोलुम्पेक, अस्लेवा मचाकोट कतार समाजको पहलमा संकलन गरिएको २ लाख २८ हजार नगद विभिन्न ठाउँका पहिरो प्रभावितको राहत तथा पुनस्थापनका लागि प्रदान गरिएको छ ।
संकलित रकम मध्ये सतवती गाउँपािलका वडा नं ३ का वडाअध्यक्ष रुकवहादुर रानालाई १ लाख २७ हजार रुपैयाँ, सत्यवती –४ लिम्घाका लागि ६१ हजार रुपैयाँ, पहिरोबाट क्षतिग्रस्त सिद्ध प्राविलाई २० हजार रुपैयाँ र कालीगण्डकी गाउँपालिकालाई २० हजार रुपैयाँ हस्तान्तरण गरिएको कार्यक्रमका संयोजक श्रीप्रसाद थापाले जानकारी दिनुभयो ।
सत्यवती गाउँपालिकामा गएको पहिरोमा परी १३ जनाको ज्यान गएको थियो भने दर्जनौ परिवार अहिले पनि विस्थापित भई अस्थायी शिविरमा आश्रय लिईरहेका छन् । प्रभावितहरुलाई थोरै भएपनि राहत पुगोस भनेर युवाहरुको पहलमा राहत रकम संकलन गरिएको संयोजक थापाले वताउनु भयो ।
कतारमा रोजगारी गर्ने भिम तरामु, तारा कुंवर, कुमार राहादी, दिपक राहादी, खोमा सिंजापति, विक्रम तरामु, श्रीप्रसाद थापा लगायतका युवाहरुले राहत संकलन अभियान संचालन गरेका थिए ।
