नेकपामा ३३ विभाग र सात प्रदेश कमिटीको नेतृत्व चयन

काठमाडौं, ३१ साउन । नेपाल कम्युनिष्ट पार्टी (नेकपा)को शुक्रवार बसेको सचिवालय बैठकले ३३ विभाग, सात वटा प्रदेश कमिटीका इन्चार्ज तथा सह इन्चार्जहरूका टुङ्गो लगाएको छ ।
प्रधानमन्त्री निवास बालुवटारमा बसेको बैठकले विदेश विभाग प्रमुखको जिम्मेवारी माधवकुमार नेपाललाई र उपप्रमुखमा राम कार्की अर्थात सुरेन्द्र कार्की लाई तोकेको छ ।
त्यस्तै बैठकले नीति अध्ययन प्रतिष्ठानको प्रमुखको जिम्मेवारी झलनाथ खनाललाई र संगठन विभाग प्रमुखको जिम्मेवारी बामदेव गौतमलाई दिने निर्णय गरेको छ । पार्टी भित्र धेरै लामो समय बहस र छलफलको बिषय बनेको स्कूल विभाग प्रमुखको जिम्मेवारी इश्वर पोखरेललाई दिइएको छ भने सो विभागको दावी गर्नुभएका नारायणकाजी श्रेष्ठलाई प्रचार विभाग प्रमुखको जिम्मेवारी दिइएको छ । सचिवालयको अर्को बैठक शनिवार ४.०० बजे बस्ने सो पार्टीले जनाएको छ ।
जिम्मेवारी विभाजनको सूचि तल हेर्नुहोस् ।