बुटवल, २८ साउन । ग्रामीण विकास लघुवित्त वित्तीय संस्था लि.ले आफ्नो पा“चौ वार्षिकोत्सवको अवसरमा संस्थागत सामाजिक उत्तरदायित्व अन्तर्गत रक्तदान कार्यक्रम सम्पन्न गरेको छ । संस्थाको प्रधान कार्यालय, बुटवल, रुपन्देहीमा साउन २८ गते सञ्चालन गरेको रक्तदान कार्यक्रमको उद्घाटन सञ्चालक समितिका सदस्य नरेन्द सिंह विष्टले गर्नु भएको थियो ।
संस्थाका प्रमुख कार्यकारी अधिकृत पर्वत कुमार कार्कीले समेत रक्तदान गर्नु भएको उक्त रक्तदान कार्यक्रममा २७ जना कर्मचारी तथा विभिन्न व्यक्तिहरूले रक्तदान गरेका थिए ।
मानविय सेवा र धर्मका लागि रक्तदान गरौं भन्ने मूल उद्देश्यबाट अभिप्रेरित भई संस्थाले सञ्चालन गरेको रक्तदान कार्यक्रममा रक्त सञ्चार केन्द्र, बुटवलको प्राविधिक सहयोग रहेको थियो ।
यसैगरी संस्थाले विभिन्न प्रदेशहरूमा समेत रक्तदान कार्यक्रम सम्पन्न गरेको छ । प्रदेश नं.२ को जनकपुरधाममा संस्थाको क्षेत्रीय कार्यालय जनकपुरको आयोजनामा साउन २४ गते सञ्चालन भएको रक्तदान कार्यक्रममा २० जना कर्मचारीहरूले रक्तदान गरेका थिए ।
यस्तै सुदूर पश्चिम प्रदेशको धनगढी, कैलालीमा संस्थाको क्षेत्रीय कार्यालय धनगढीको आयोजनामा साउन २२ गते सञ्चालन भएको रक्तदान कार्यक्रममा ११ जना कर्मचारीहरूले रक्तदान गरेका थिए ।
