कपिलवस्तु, २७ साउन । कपिलवस्तुमा सोमबार विहान ट्याक्टरको ठक्करबाट एक महिलाको ज्यान गएको छ ।
तौलिहवा लुम्बिनी सडकखण्डको दोहनीमा ट्याक्टरले मोटरसाईकललाई ठक्कर दिदा मोटरसाइकलको पछाडी सवार महिलाको मृत्यु भएको प्रहरीले जनाएको छ ।
प्रहरीका अनुसार तौलिहवाबाट पकडीतर्फ जाँदै गरेको लु २ त ५८३९ नम्बरको ट्याक्टरमा विपरित दिशाबाट आउँदै गरेको भारतीय नम्बर प्लेट युपी ५५ एस ०२१८ नम्बरको मोटरसाइकल ठक्करखांदा मायादेवी गाउँपालिका २ अभिरावकी ४२ वर्षीया प्रमिला यादवको मृत्यु भएको हो ।
ट्याक्टरको ठक्करबाट गम्भीर घाईते भएकी यादवको उपचारका क्रममा तौलिहवा अस्पतालमा मृत्यु भएको प्रहरीले जनाएको छ । मोटरसाइकल चालक मृतक यादवका छोरा संजय यादव, मोटर साइकल र ट्याक्टर प्रहरी नियन्त्रणमा रहेका छन् भने ट्याक्टर चालक घटना पछि फरार रहेकाले खोजी भइरहेको प्रहरीले जनाएको छ ।
