गुल्मीमा जिप दुर्घटना १ को मृत्यु ४ गम्भीर घाइते

संसार पोष्ट
गुल्मी, २४ साउन । गुल्मीमा भएको जिप दुर्घटनामा १ जनाको मृत्यु भएको छ । दुर्घटनामा परी ४ जना गम्भीर घाइते भएका छन् ।
जिल्लाको गुल्मी दरवार गाउँपालिकाबाट तम्घास तर्फ आउदै गरेको लु २ च ५४७५ नम्वरको जीप शुक्रवार साँझ सोही गाउँपालिका वडा नम्बर ३ गौंडाकोटमा दुर्घटना भएको प्रहरीले जनाएको छ । दुर्घटनामा परी चालक ४८ वर्षिय चालक हरिप्रसाद पाण्डेयको मृत्यु भएको जिल्ला प्रहरी कार्यालय गुल्मीले जनाएको छ ।
जिल्ला प्रहरी कार्यालयका प्रमुख प्रहरी उपरिक्षक दिपककुमार बस्नेतले दुर्घटनामा परेर घाइते भएका पाण्डेयलाई उपचारका लागि अस्पताल लैजाने क्रममा मृत्यु भएको हो ।
दुर्घटनामा परी गम्भीर घाइते भएका ४ जनालाई स्थानीय मेडिकलमा सामान्य उपचार पछि थप उपचारका लागि पाल्पा पठाइएको छ । दुर्घटनामा रेसुङ्गा नगरपालिका अन्तर्गत बस्ने दिपक बिक, शेरबहादुर बिक, बोजेन्द्र र अर्घाखाँची घर भएका कृष्ण पाण्डेय घाईते भएका छन् । स्थानीय, नेपाल प्रहरी र शसस्त्र प्रहरीको टोलीले घटनास्थलमा उद्धार गरेका थिए । दुर्घटनामा परेको जिप सडकबाट करिब ५ मिटर तल खसेको छ । दुर्घटनाका बिषयमा अनुसन्धान भैरहेको प्रहरीले जनाएको छ ।