बाँदर धपाउंदा मरेङ्गका एक युवकको ज्यान गयो
संसार पोष्ट
अर्घाखाँची, २२ साउन । अर्घाखाँचीमा बाँदर आतंक मच्चिएको छ । पाक्न थालेको मकै लगायतका अन्य अन्न बाली बाँदरले सखाप पार्न थालेपछि जिल्लाका किसान चिन्तित बनेका छन् । जिल्लाका विभिन्न गाँउमा मकै लगायतका अन्नबाली जोगाउन किसानहरु बिहानदेखि बेलुकासम्म मकैबारीमा बस्दापनि अन्नबाली जोगाउन नसकिएको उनीहरुको गुनासो छ ।
गाउँमा यस्तै बाँदर आतंक मच्चिए पछि स्थानीय सरकारले बाँरद नियन्त्रणका लागि पहल थालेको थियो । सन्धिखर्क र छत्रदेव गाँउपालिकाले एकबर्ष अँघि गाँउ–गाँउमा बाँदर हेरालुको ब्यवस्था समेत गरेका थिए । बाँदर हेरालुको ब्यबस्था गर्दापनि बाँदर नियन्त्रण गर्न नसकिएको सन्धिखर्क नगरपालिकाका नगरप्रमुख कमलप्रसाद भुसालले बताउनु भयो ।
सन्धिखर्क नगरपालिकाको धरम्पानी, तुमकोट, किमडाँडा, खाबडाँडा, वाङ्गला, डिभर्ना, भूमिकास्थानको धनचौर, ढिकुरा, पाणिनी गाँउपालिका, मालारानी गाउँपालिका र छत्रदेव गाउँपालिकाका अधिकांस गाउँहरुमा बाँदरले अन्नबाली सखाप पारेको छ ।
जिल्लाको अत्याधिक वनक्षेत्र भएको शितगंगा नगरपालिकाका विभिन्न क्षेत्रमा बाँदरसंगै दुम्सी र बँदेलले समेत अन्नबालीमा क्षती पुराएको सो क्षेत्रका किसान वताउछन् ।
मंगलवार मकैबारीमा पसेको बाँदर धपाउने क्रममा मालारानी गाउँपालिकामा एक जनाको ज्यान समेत गएको थियो । घरको बारीमा मकै खान आएको बाँदर लखेट्ने क्रममा मालारानी गाउँपालिका–२, मरेङ्गका ३६ बर्षिय विजय केसीको ज्यान गएको हो ।
