२०७७ कात्तिकमा निर्माण कार्य सम्पन्न गरिने
संसार पोष्ट
अर्घाखाँची, २२ साउन । अर्घाखाँचीमा अर्घा भगवती विमानस्थलको सिलन्यास गरिएको छ ।
नेपाल सरकारका पुर्ब उपप्रधानमन्त्री तथा अर्घाखाँची जिल्लाका प्रतिनिधिसभा सदस्य टोपबहादुर रायमाझीले बुधबार एक कार्यक्रमका वीच विमानस्थलको सिलन्यास गर्नुभएको हो ।
सो अवसरमा बोल्दै प्रतिनिधिसभा सदस्य रायमाझीले विमानस्थलका सिलन्यास संगै जिल्ला बासीको सपना साकार भएको भन्दै विमानस्थलको तोकिएकै समयमा निर्माण कार्य सम्पन्न हुने विश्वास ब्यक्त गर्नुभयो ।
करिव ५ करोड ७० लाखमा लुम्बिनी अर्घाखाँची पुस्पा जेभीले उक्त बिमानस्थलको रनवे निर्माण गर्ने ठेक्का संझौता गरेको छ । बुधवार शिलन्यास गरिएको विमानस्थलको निर्माण कार्य २०७७ कात्तिक ५ गते सम्म सम्पन्न गरिसक्नु पर्ने ठेक्का संझौता भएको छ ।
विमानस्थल सिलन्यास कार्यक्रममा राष्ट्रिय सभा सदस्य चन्द्र बहादुर खड्का, प्रदेश सभा सदस्यहरु चेतनारायण आचार्य, रामजीप्रसाद घिमिरे, जिल्ला समन्वय समितिका उप प्रमुख ऋषि बहादुर पुलामी, सन्धिखर्क नगरपालिका प्रमुख कमलप्रसाद भुसाल, प्रमुख जिल्ला अधिकारी प्रेमलाल लामिछानेलगायतले समयमै निर्माण कार्य सम्पन्न गर्न निर्माण कम्पनीलाई आग्रह गर्नुभयो ।
