आमाको जीवितै उद्दार दुई बच्चाको मृत्यु
रामकुमार श्रेष्ठ
नवलपरासी, २२ साउन । पूर्वी नवलपरासीको विनयी त्रिवेणी गाउँपालिका ७ त्रिवेणीको त्रिवेणी (नारायणी) नदीमा दुई बच्चा सहित हामफालेर आमाले आत्महत्याको प्रयास गरेकी छिन् ।
पश्चिम नवलपरासीको पाल्हीनन्दन गाउँपालिका ५ बस्ने लख्खी लोहारकी श्रीमती २४ बर्षीया सुधा विश्वकर्माले २ बर्ष ७ महिनाको छोरा अविनास विक र १ महिना १५ दिनकी छोरी निकिता विश्वकर्मा सहित नदीमा हाम फालेर आत्महत्याको प्रयास गरेकी हुन् ।
दुई बच्चा सहित सुधा विश्वकर्माले त्रिवेणीको ब्यारेज पुलबाट नदीमा हामफालेकी थिइन । उनी हामफाल्नासाथ स्थानीयले देखेर सुधालाई जीवितै उद्दार गरे पनि उनका दुई छोरा छोरीलाई भने बचाउन नसकेको प्रहरीले जनाएको छ । पनि मृत अवस्थामा उद्दार गरेको प्रहरीले जनाएको छ ।
घरायसी झगडाका कारण उनले आत्महत्याको प्रयास गरेको हुन सक्ने प्रहरीले आशंका गरेको छ ।
