काठमाडौं । मुस्लिम धर्मावलम्बीहरूले आज देशैभर दोस्रो महान् पर्व बकर इद (इदुल जोहा) मनाउँदैछन् ।
इदुल फित्र अर्थात् रमजान पर्वको ७०औं दिनमा मनाइने बकर इद मुस्लिम धर्मावलम्बीले आज बिहानै स्नान गरी नजिकैको मस्जिद वा इदगाहमा गई सामूहिक नमाज पढेका छन् ।
काठमाडौंमा रहेका इस्लाम धर्मावलम्बीहरूले जामे मस्जिदमा पुगेर सामूहिक रुपमा नमाज पढ्नुका साथै शुभकामना आदानप्रदान गरेका छन् । यस्तै रुपन्देही, कपिलवस्तु, नवलपरासी, बांकेलगायतका जिल्लाहरुमा पनि मुस्लिम धर्मावलम्बीहरूले बकर इद मनाउंदै छन् । उनीहरुले नजिकैको मस्जिद र इदगाहमा गएर सामुहिक नमाज पढेका छन् ।
नमाज पढिसकेपछि उनीहरुले एकापसमा शुभकामना आदानप्रदान गरेका छन् । मुस्लिम धर्मावलम्बीहरूको बकर इद पर्वको अवसरमा सरकारले आज सार्वजनिक बिदा समेत दिएको छ ।
