बुटवल । बुटवलको मिलनचोकमा भएको सडक दुर्घटनामा रुपन्देहीका पत्रकार मनोज हितंगाको ज्यान गएको छ ।
शनिवार राती करिव सवा ११ बजे लु ८ प ९०६८ नम्बरको मोटरसाईकलमा बुटवलको मिलनचोकबाट अस्पताललाईन तर्फ गईरहेका हितंगा सवार मोटरसाईकललाई अस्पताललाईन तर्फबाट मिलनचोक तर्फ आउदै गरेको सुदूरपश्चिम प्रदेश ०७(०२ (००१ ख १२२६ नम्बरको महाकाली यातायातको यात्रु बाहक बसले बसपार्क नजिकै ठक्कर दिएको थियो ।
बसको ठक्करवाट गम्भीर घाइते भएका पत्रकार हितंगाको लुम्विनी प्रादेशिक अस्पतालमा उपचारका क्रममा निधन भएको प्रहरीले बताएको छ ।
बुटवललाई कार्यक्षेत्र बनाएर टेलिभिजन क्यामेरा पर्शनको रुपमा कार्यरत हितंगा पछिल्लो समय एनएनटिभीको लुम्विनी प्रदेश कार्यालयमा सम्वाददताको रुपमा कार्यरत थिए । पाल्पाको तानसेन नगरपालिकाका स्थायी बासिन्दा हितंगा करिव १५ बर्ष देखि बुटवलको बुद्धनगरमा बस्र्दै आएका थिए ।
