संसार पोष्ट
कपिलवस्तु, १६ साउन । कपिलवस्तुमा समाजबादी पार्टीका एक नेता माथि गोली प्रहार भको छ । जिल्लाको दक्षिणी क्षेत्रमा पर्ने शुद्धोधन गाउँपालिका वडा नं ३ बिहिबार दिउसो २ बजेको समयमा स्थानीय समाजबादी पार्टीका नेता रामनयन यादव माथि गोली प्रहार भएको बताइएको छ ।
यादव पूर्व नयाँ शक्ति पार्टीबाट गाउँपालिकाको अध्यक्षका उम्मेद्बार समेत बन्नुभएको थियो । हाल उहां समाजबादी पार्टीमा हुनुहुन्छ । गाउँपालिकाको वडा नं. ५ देवपुरका स्थायी बासिन्दा यादव जिल्ला सदरमुकाम तौलिहवा जादै गरेको अवस्थामा मोटरसाइकलमा सवार नचिनेका दुई जनाको समूहले गोली प्रहार गरेको थियो । गोली लागेर यादव घाइते हुनुभएको छ । उहांको तौलिहवा अस्पतालमा उपचार भैरहेको बताइएको छ ।
स्थानीयका अनुसार उहांलाई देब्रे हातको कुममा गोली लागेको छ । प्रहरीका अनुसार घटनाको थप विवरण आउन बाँकी छ ।
