बुटवल, ४ असोज । सरकारी कार्यालयहरु लैंगीकमैत्री हुनुपर्ने सरोकारवालाहरुले बताएका छन् । लुम्बिनी प्रदेश सभा सचिवालयको आयोजना र मिडिया एड्भोकेसीको संयोजनमा मंगलबार बुटवलमा आयोजित अन्तरक्रिया कार्यक्रममा सहभागि सरोकारवालाहरुले सरकारी कार्यालयहरु अझै लैंगीकमैत्री बन्न नसकेको भन्दै लैंगीकमैत्री बनाउनुपर्नेमा जोड दिएका हुन् ।
लामो समयदेखि सरकारी कार्यालयहरुमा शिशु स्याहार केन्द्र लगायतका पुर्वाधार हुनुपर्ने आवाज उठेपनि अधिकांस कार्यालयहरुमा त्यस्तो ब्यवस्था नभएको भन्दै उनीहरुले जिम्मेवार अधिकारीहरुले त्यसमा ध्यान दिनुपर्ने आवश्यकता औंल्याए ।
लुम्बिनी प्रदेश सभा सचिब दुर्लभकुमार पुनको सभापतित्वमा भएको कार्यक्रममा मिडिया एड्भोकेसीकी बबिता बस्नेत,पत्रकार अमृता अनमोलले सहजिकरण गरेका थिए ।
