बुटवल १३ साउन
रोटरी क्लब अफ बुटवलले शंकरनगर वनवाटिका स्थित रोटरी चिल्ड्ेन पार्कमा सोमवार वृक्षरोपण गरेको छ ।
पार्कलाई ग्रीन वेल्टको रुपमा विकास गर्न अशोका र धुपीका २ सय विरुवा रोपिएको कार्यक्रम संयोजक वैकुण्ठ कोईरालाले जानकारी दिनु भयो । वृक्षारोपणले क्लबले निर्माण गरी वालरेल संचालन भएको क्षेत्रलाई हरियाली बनाउने अध्यक्ष दिल्ली कुमार श्रेष्ठले बताउनु भयो ।
कार्यक्रममा शंकरनगर वडा नं २ का वडाध्यक्ष दधिराम गौतम शंकरनगर सामुदायिक वन उपभोक्ता समितिका अध्यक्ष राम गीरी, शंकरनगर वनविहार अनुसन्धानकेन्द्र (वनवाटीका)का अध्यक्ष वावुराम अर्याल , क्लबका निवर्तमान अध्यक्ष डा नारायण प्रसाद पन्थ लगायले पार्कलाई व्यवस्थीत र पर्यटकिय गन्तव्यको रुपमा विकास गर्न सवैको सहकार्य जरुरी रहेको बताउनु भयो ।
रोटरी क्लब अफ बुटवलले सन २०११÷१२देखी वनवाटिका भित्र रोटरी चिल्ड्ेन पार्क अध्ययन केन्द्रको रुपमा विकास गर्ने उदेश्य सहित लगानी गरिहेको छ । अहिले त्यहा इ–लाईव्रेरी वनाउने योजना रोटरी क्वल अफ बुटवलले जनाएको छ ।
