लुम्बिनी, २ जेठ । प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीले सोमबार लुम्बिनी स्थित मायादेवी मन्दिरमा प्रार्थना गरेका छन् । बुद्व जयन्तीको अवसरमा एक दिने नेपाल भ्रमणमा आएका भारतीय प्रधानमन्त्री मोदी सोमबार विहान १०ः४५ बजे लुम्बिनी आइपुगेका थिए ।
भारतीय वायु सेनाको हेलिकप्टरमा लुम्बिनी आएका मोदीलाई प्रधानमन्त्री देउवाले स्वागत गरेका थिए । त्यसपछि दुवै देशका प्रधानमन्त्री प्रार्थनाको लागि मायादेवी मन्दिर गएका थिए ।
बुद्ध पूर्णिमाको अवसरमा दुवै प्रधानमन्त्रीले गौतम बुद्धको जन्मस्थल लुम्बिनीस्थित मायादेवी मन्दिरमा प्रार्थना गरेको परराष्ट्र मन्त्रालयले जनाएको छ ।
भारतीय प्रधानमन्त्री मोदी बुद्ध जयन्तीका अवसरमा लुम्बिनीमा आयोजना गरिने विभिन्न कार्यक्रममा सहभागी हुन आएका हुन् । उनले ६ घण्टा लुम्बिनीमा बिताई स्वदेश फर्कने परराष्ट्र मन्त्रालयले जनाएको छ ।