भैरहवा, २२ बैशाख । जिल्ला प्रहरी कार्यालय रुपन्देहीले लागुऔषध सहित चार जनालाई पक्राउ गरेको छ ।
जिल्ला प्रहरी कार्यालयबाट खटिएको प्रहरी टोलीले सिद्धार्थनगर नगरपालिका वडा नं.८ बसडिलवा स्थित निर्माणाधिन भवनमा सिद्धार्थनगर नगरपालिका वडा नं.११ बस्ने बर्ष २९ को सलमान अली र सोही ठाउं बस्ने बर्ष २२ को असलान अलीलाई अबैध लागुऔषध सहित पक्राउ गरेको हो । प्रहरीले उनीहरुको शरिर खानतलासी गर्दा अबैध लागुऔषध कोरेक्स–७ बोत्तल र नैट्राभेट–१६५ ट्याव्लेट बरामद गरी दुवै जनालाई पक्राउ गरी रुपन्देही जिल्ला अदालत म्यादथप गराई थप अनुसन्धान कार्य भईरहेको प्रहरीले जनाएको छ ।
यस्तै प्रहरी बिट बसपार्क भैरहवाबाट खटिएको प्रहरी टोलीले सिद्धार्थनगर नगरपालिका ३ बसपार्कबाट जिल्ला अर्घाखाची सितगंगा नगरपालिका १४ सिमलपानी बस्ने बर्ष ४५ को टिकाराम रिजाल र भारत घर भएको बर्ष ३२ को राज खानको साथबाट नाईट्रोभेट ५८ पिस, कोडीन– आधा सिसी, स्टिङ इनर्जी लेखेको २ बोत्तल र धुलो खैरो पदार्थ जस्तो देखिने १ पुरीया सहित पक्राउ गरेको छ । दुवै जनालाई नियन्त्रणमा लिई आवश्यक अनुसन्धान पश्चात रुपन्देही जिल्ला अदालतबाट म्याद थप गराई थप अनुसन्धान कार्य भईरहेको छ ।
