आगो निभाउने तिलोत्तमाको दमकल आफै जल्यो

तिलोत्तमा । रुपन्देहीको तिलोत्तमा नगरपालिकाको दमकल जलेको छ । जङ्गलमा लागेको आगो निभाउन जाँदा आफै जलेको हो ।

बुधवार दिउँसो तिलोत्तमा–८ गणेशनगरको जँगलमा लागेको डढेलो निभाउन गएको बेला तिब्र हावा चलेको र  हावाको बेगसङ्गै आगाको लप्काले एक्कासी टिपेपछि दमकल जलेको हो । दमकलको इन्जिनसहितको भाग पूर्ण रुपमा जलेर क्षती भएको छ ।

प्रहरी चौकी मँगलापुरका अनुसार जङ्गलमा लागेको आगो निभाउन गएको तिलोत्तमा नगरपालिकाको  लु १ ग ३४९ नम्बरको दमकलमा आगलागी भएको हो । आगलागिबाट दमकल जलेर पुर्णरुपमा क्षेती भएपनी  मानवीय क्षति भने नभएको प्रहरीले जनाएको छ ।