तिलोत्तमा १६ र १७ मा गठबन्धनको घरदैलो

तिलोत्तमा, २१ बैशाख । रुपन्देहीको तिलोत्तमा नगरपालिकामा गठबन्धनका उम्मेद्वारहरुले तिलोत्तमा १६ र १७ मा घरदैलो गरेका छन् । गठन्धनबाट मेयर पदका उम्मेद्वार नेपाली कांग्रेसका युवा नेता रामकृष्ण खाँणले तिलोत्तमालाई भ्रष्टाचारमुक्त बनाउनको लागि गठबन्धनका उम्मेदवारलाई जिताउन आग्रह गरे ।
माओबादीबाट उपमेयरका उम्मेद्वार हेमराज पाण्डे(हेमन्त)ले तिलोत्तमालाई भ्रष्टाचारमुक्त बनाउने योजना सहित गठबन्धन बनेको भन्दै गठबन्धनका उम्मेद्वारहरुलाई बिजयी बनाउन आग्रह गरे ।
तिलोत्तमा १६ पटानीमा भएको घरदैलोमा मेयर पदका उम्मेदवार खाँण, उपमेयर पदका उम्मेदवार पाण्डे सहित वडा अध्यक्ष पदका उम्मेद्वार झविलाल भुषाल, सदस्य पदका उम्मेद्वारहरु ऋषिराम बस्याल र हुम बहादुर गाहा, महिला सदस्य पदका उम्मेद्वार मायादेवी चौधरी र दलित महिला सदस्य पदका उम्मेद्वार जानकी सुनार सहितको टोलिले घरदैलो गरेको थियो ।
यस्तै बुधबार नै तिलोत्तमा १७ गंगोलीयामा मा मेयर पदका उम्मेदवार खाँण, उपमेयर पदका उम्मेद्वार पाण्डे संगै वडा अध्यक्ष पदका उम्मेद्वार दान बहादुर चौधरी, सदस्य पदका उम्मेद्वारहरु सन्त बहादुर बस्नेत, राम नरेश लौनिया, महिला सदस्य पदका उम्मेद्वार शोभा कुमारी राना र दलित महिला सदस्य शर्मिला वि.क. सहितको टोलीले घरदैलो गरेको हो ।