मिस्टर युनिभर्सका लागि सुरेश देवा भारतको पुने प्रस्थान

काठमाडौं, ३० चैत्र । मिस्टर युनिभर्समा भागलिन नेपालका चर्चित फिटनेश ट्रेनर सुरेश देवा भारतको पुने प्रस्थान गरेका छन् । आगामी अप्रिल १५ देखि १७ सम्म पुनेमा मिस्टर युनिभर्स आयोजना हुँदैछ । यसकालागि संसारभरका १ सय ९२ देशबाट सहभागिता हुँदैछ ।
मिस्टर युनिभर्स एशियामै पहिलोपटक हुनलागेकाले पनि यसको चर्चा बढेको हो । मिस्टर युनिभर्सका लागि देवासँगै मरिसमान लामाको पनि सहभागिता रहने छ । लामा विल्डिङमा सहभागिता जनाउने छन् भने देवाले मेन्स फिजिक १ सय ७१ सिएम क्याटोगरी मार्फत सहभागिता जनाउने छन् ।
देवाले यसअघि वल्र्ड च्याम्पियनशिप, आर्नल क्लासिक एशिया, ओलपिया अमाच्युअर, एशियन च्याम्पियनशिप, एशियन विज, नेशनल च्याम्पिनयनशिप २०७५ लगायतमा सहभागिता जनाइसकेका छन् भने उनी यसपटक लामो समयको तयारी पछि मिस्टर युनिभर्समा सहभागिता जनाउन लागेका हुन्
मिस्टर युनिभर्स जितेमा देवाले प्रो–कार्ड प्राप्त गर्नेछन् । यो गेमका लागि उनले ३ बर्षदेखि तयारी गरिरहेका थिए । विशेष गरेर युरोप अमेरिकामा हुने यो कार्यक्रम पहिलोपटक एशियामा हुनलागेको हो । देवा र लामालाई नेपाल ओलम्पिक कमिटीले एक कार्यक्रमको आयोजना गरी विदाई गरेको छ ।