बुटवल, ११ साउन । रुपन्देहीको तिलोत्तमा स्थित सिद्धिबिनायक ग्रुपले आफ्ना बजार प्रतिनिधिहरुको भेला तथा सम्मेलन शनिबार बुटवलमा गर्यो । ग्रुपले सञ्चालन गरेका सिद्धिबिनायक फुड इण्डष्टिज ६ वर्ष पुरा गरी ७ वर्ष र सिद्धिबिनायक स्नाक्स एण्ड नुडल्स २ वर्ष पुरा गरी ३ वर्ष प्रवेश गरेको अवसरमा शुक्रबार बुटवलमा बजार प्रतिनिधिहरुको भेला सहित अन्तरक्रिया तथा उत्कृष्ट बजार प्रतिनिधिलाई सम्मान गरेको हो ।
सिद्धिबिनायक फुड इण्डष्टिजले गज्जवको बिष्कुट सहित कुकिज र सिद्धिबिनायक स्नाक्स एण्ड नुडल्सले गज्जवको चाउचाउ उत्पादन गर्दै आएको छ । सोही अवसरमा ग्रुपले सरकारले लागु गरेको योगदानमा आधारित सामाजिक सुरक्षा योजना, भीसीटिएस, ईबिलिगं तथा उद्योगले अघि सारेका व्यवसायीक योजना र स्किमका सम्वन्धमा जानकारी गराइएको थियो ।
भेलामा बोल्दै ग्रुपका सञ्चालक समेत रहेका नेपाल उद्योग वाणिज्य महासंघका सदस्य सुरेन्द्रप्रसाद श्रेष्ठले व्यवसायिक सफलताका लागि बजार प्रतिनिधिहरुको भूमिका महत्वपूर्ण हुने भएकाले आफुहरुले स्थापना दिवसमा बजार प्रतिनिधिहरुको सम्मान सहितको कार्यक्रम आयोजना गरेको बताउनु भयो ।
उहाँले अहिलेको परिस्थितिमा गुणस्तरीय बस्तुको उत्पादन, स्वच्छ प्रतिष्पर्धा, गुणस्तरीय सेवा र पारदर्शी कारोवार गर्न नसके त्यसले सामाजिक प्रतिष्ठा र लगानीलाई समेत जोखिममा पु¥याउने भएकाले सजग रहनु पर्ने बताउनुभयो ।
दुवै उद्योगका अध्यक्ष उज्ज्वल कसजूले उद्योगका मेरुदण्ड बजार प्रतिनिधिहरुले उपभोक्ता र बिक्रेताका गुनासा उद्योगसम्म ल्याउने भएकाले उद्योगका उत्पादनको बजारको अवस्था बुझ्न र सम्मान गरी उत्प्रेरणा बढाउन कार्यक्रम गरिएको बताउनुभयो । अध्यक्ष कसजूले गज्जवका ब्राण्डको उत्पादनको गुणस्तरमा कहिलै कमी आउन नदिने प्रतिवद्धता जनाउनु भयो । कार्यक्रममा उद्योगका प्रमुख कार्यकारी अधिकृत प्रकाश भण्डारी, प्रवन्ध निर्देशक पुष्प वाग्ले, बरिष्ठ प्रवन्धक निश्चल केसी, नेशनल सेल्स म्यानेजर बिनोद देवकोटा, प्रवन्धक अभिशेक श्रेष्ठ लगायतले भनाई राख्नुभएको थियो ।
