बुटवल, ११ साउन । पत्रकार छविलाल पाण्डेलाई पितृ शोक परेको छ । रुपन्देहीको सैनामैना निवासी पत्रकार पाण्डेका पिता दिनानाथ पाण्डेको ८४ वर्षको उमेरमा आफ्नै निवास सैनामैना नगरपालिका वडा नं. ४ लेडुवामा शनिबार दिउँसो निधन भएको हो । केही समयदेखि अस्वस्थ हुनुहुन्थ्यो ।
लामो समयदेखि गोरखापत्र दैनिकमा कार्यरत पत्रकार पाण्डे नेपाल प्रेस युनियन रुपन्देहीका पूर्व सभापति तथा नेपाल पत्रकार महासंघ रुपन्देहीका पूर्व कोषाध्यक्ष समेत हुनु भएको थियो । उहाँलाई पर्न गएको पितृशोक प्रति नेपाल प्रेस युनियन, नेपाल पत्रकार महासंघ तथा पत्रकार सम्वद्ध संघसंस्थाले दुःख व्यक्त गर्दै समवेदना प्रकट गरेका छन् । स्वर्गीय पाण्डेको शनिबार नै चितवनको देवघाटमा हिन्दु परम्परा अनुसार अन्तिम संस्कार गरिएको परिवारले जनाएका छन् । स्वर्गीय पाण्डेको श्रीमती एक छोरा र ४ बहिनी छोरी हुनुहुन्छ ।
