बुटवल, २५ कात्तिक । नेपाल नियमित रक्तदाता संघले बुटवलमा खुल्ला रक्तदान सम्पन्न गरेको छ । वि.स. २०६१ सालमा स्वर्गीय सरोज सिलवाल बन्दीले स्थापना गरेको संस्था निरन्तर रूपमा रगत व्यवस्थापन र रक्तदान गराउंदै आएको नेपालको पहिलोे सस्था हो । सिलवालको रगत व्यवस्थापनमा लाग्दै गर्दा सडक दुर्घटनामा वि.स.२०६४ सालमा मृत्यु भयो ।
नेपाल नियमित रक्तदाता संघले नियमित रूपमा प्रत्येक महिनाको तेस्रो हप्ता रक्तदान गर्ने गर्दछ ।
वर्तमान समयमा बुटवलमा रगत अभाव भएको हुदा रगत अभावलाई परिपुर्ति गर्न रक्तदान कार्यक्रम गरिएको सस्थाका सचिव महेश खनालले वताउनु भयो । नेपाल नियमित रक्तदाता संघका अध्यक्ष दया बहादुर सिलवालको अध्यक्षता, इलाका प्रहरी कार्यालयका प्रमुख प्रहरी नायब उपरीक्षक ठग बहादुर केसीको प्रमुख आथित्यतामा कार्यक्रम भएको थियो ।
कार्यक्रममा नेपाल नियमित रक्तदाता संघका प्रमुख सल्लाहकार विमल बहादुर शाक्य, संघका सल्लाहकार सुरेन्द्र कुमार शाक्य, सल्लाहकार राजकुमार श्रेष्ठ, भिमसेन श्रेष्ठ, नेपाल नियमित रक्तदाता संघका उपाध्यक्ष लेखनाथ भण्डारी, कोषाध्यक्ष दिपक अधिकारी, राजेस गैरे, मन्जु गिरी,भाष्कर शाही, रोशन अर्याल, बिष्णु भण्डारीलगायतले रक्तदानको महत्व र आवश्यक्ता माथी प्रकाश पार्नु भएको थियो ।
कार्यक्रममा ७५ पिन्ट रगत संकलन गरिएको कार्यक्रम संयोजक रोशन अर्यालले बताउनु भयो ।
