काठमाडौं, २५ कात्तिक । प्रहरी प्रधान कार्यालयले ९५ जना प्रहरी नायब उपरीक्षक (डिएसपी)को सरुवा गरेको छ । प्रहरी प्रधान कार्यालयले आज बिहीबार एकैपटक ९५ जना डिएसपीहरूको सरूवा सूची सार्वजनिक गरेको हो ।
प्रहरी महानिरीक्षकको कात्तिक २५ गतेको निर्णयानुसार २०७८ मंसिर महिना देखिको तलव, भत्ता समेत हाल सरुवा भएको दरबन्दीबाट खान पाउने गरी प्रहरी नायव उपरीक्षकहरुको सरुवा गरिएको हो ।
सरुवा सूचिअनुसार जिल्ला प्रहरी कार्यालय रुपन्देहीका प्रहरी नायब उपरीक्षक (डिएसपी) सत्यनारायण थापाको जिल्ला प्रहरी कार्यालय प्यूठानमा र लुम्बिनी प्रदेश ट्राफिक कार्यालयका डिल्लीनारायण पाण्डेको प्रहरी वृत्त थानकोट काठमाण्डौंमा सरुवा भएको छ । यस्तै इलाका प्रहरी कार्यालय बुटवलका प्रमुख मदन कुँवरको लुम्बिनी प्रदेश प्रहरी कार्यालय दाङ, अन्वेषण शाखामा सरुवा भएको छ ।
यस्तै जिल्ला प्रहरी कार्यालय रुपन्देहीमा नवरत्न पौडेल, राजमार्ग सुरक्षा तथा ट्राफिक प्रहरी कार्यालय बुटवलमा मोहन बहादुर खाँण, ईलाका प्रहरी कार्यालय बुटवलमा ठग बहादुर केसी र लुम्बिनी प्रदेश प्रहरी तालिम केन्द्र बुटवलमा दान बहादुर थापालाई सरुवा गरिएको छ ।
यस्तो छ सरुवाको सूची :
