तिलोत्तमा, ६ असोज । शँकरनगर सामुदायिक वन उपभोक्ता समूह तिलोत्तमा १–४, रुपन्देहीले समूहका पूर्व अध्यक्ष स्वर्गीय दिलबहादुर कार्कीको स्मृतिमा शोकसभा गरेको छ ।
समूहले तिलोत्तमा नगरपालिका –२, सिता राईस मिल चोकस्थित स्वर्गीय कार्कीको आफ्नै निवासमा समूहका पदाधिकारी, कार्यसमिति सदस्य, कर्मचारीलयागतको उपस्थिथिमा बुधबार बिहान शोक सभा गरेको हो ।
वि.सं. २०६१ देखि २०६४ सम्म सामुदायिक वनको उपाध्यक्ष तथा २०६७ देखि २०७२ सालसम्म अध्यक्ष पदमा रही शँकरनगर सामुदायिक वनको संरक्षण, संवद्र्धन र विकासमा महत्वपुर्ण भूमिका निर्वाह गर्नुभएका कार्कीको गएको भदौ २९ गतेका दिन ७६ बर्षको उमेरमा निधन भएको थियो ।
शोकसभामा समूहका अध्यक्ष रबिन्द्र बस्नेत, निवर्तमान उपाध्यक्ष राम गिरी, उपाध्यक्ष कमला ज्ञवाली, सल्लाहकार खिमानन्द भट्टराई, सचिव कालिका अधिकारी, कोषाध्यक्ष भुवन आचार्य, सदस्य मिनप्रसाद देवकोटा, लालबहादुर भण्डारीलगायतले स्वर्गीय कार्कीको तस्विरमा पुष्प अर्पण गर्दै श्रद्धाञ्जली ब्यक्त गर्नुभएको थियो ।
शोक सभामा अध्यक्ष बस्नेत र निवर्तमान अध्यक्ष तथा सल्लाहकार गिरीले कार्कीको निधनले सामुदायिक वन तथा समाजले एक सच्चा अभिभावक गुमाएको र वनलाई अपुरणिय क्षति पुगेको बताउनु भयो । उहांहरुले भौतिकरुपमा उहां नरहनुभएपनि समाज र वन क्षेत्रको विकासमा उहांले पुर्याएको योगदानका कारण उहां सदा अमर रहिरहनुहुने उल्लेख गर्नुभयो । स्वर्गीय कार्कीका १ श्रीमती, ४ छोरा र २ छोरी छन् ।
