बुटवल, २१ जेठ । नेपाल नियमित रक्तदाता संघ रुपन्देहीले कोभिड माहामारीमा रगतको अभावमा कसैले ज्यान गुमाउन नपरोस भन्ने उद्देश्यका साथ सैनामैना नगरपालिकामा आयोजना गरेको रक्तदान कार्यक्रममा ७५ जनाले रक्तदान गरेका छन् ।
संघले शुक्रवार रगत संकलन गरी रक्तसञ्चार केन्द्र बुटवललाई हस्तान्तरण गरेको हो । सैनामैनामा रहेका नेपाल स्काउट, वडा स्तरीय युथ क्लब सैनामैना तथा सत्य सञ्जालको सहयोगमा रामापुरको सत् चिन्तन भवनमा रक्तदान कार्यक्रम गरिएको हो ।
नेपाल नियमित रक्तदाता संघ रुपन्देहीका अध्यक्ष दयाबहादुर सिलवालको अध्यक्षतामा भएको कार्यक्रममा सैनामैना नगरपालिकाका नगर प्रमुख चित्रबहादुर काकीर्ले सेवाभावले संघले गरेका काम सह्रानिय भएको भन्दै निरन्तर साथ र सहयोग गर्ने बताउनु भयो । कार्यक्रममा नेपाल रेडक्रस सोसाइटी लुम्बिनी प्रदेशका महासचिव कृष्ण पंगेनी, नेपाल नियमित रक्तदाता संघका उपाध्यक्ष लेखनाथ भण्डारी, सचिव महेश खनाल, सत्य सञ्जालका अध्यक्ष युवराज भुसाल लगायतले बोल्दै रगत व्यवस्थापनमा संस्था सक्रियताका साथ लागिपरेको भन्दै सवैको साथ र सहयोग जरुरी रहेको औल्याउनु भयो ।
भोजराज भण्डारीको स्वागत र सचिव महेश खनालको सन्चालनमा कार्यक्रम भएको हो ।
