राहत र उद्धारमा जुटन सवै पक्षसँग आग्रह
संसार पोष्ट
बुटवल, ७ साउन । गुल्मी जिल्लाको सत्यवती गाउँपालिकाको लिम्घा र ठूलो लुम्पेकमा पहिरोमा पुरिएर ११ जनाको मृत्यु भएको घटना प्रति नेपाली कांग्रेसका नेता चन्द्र भण्डारीले दुख ब्यक्त गर्नुभएको छ ।
पूर्व सांसद समेत रहनुभएको कांगे्रस केन्द्रीय सदस्य भण्डारीले उक्त घटनाले स्तब्ध भएको वताउनु भएको छ ।
नेता भण्डारीले विज्ञप्ति र सामाजिक संजाल मार्फत गुल्मी जिल्लाको सत्यवती गाउँपालिकाको ठूलो लुम्पेक र लिम्घामा अविरल बर्षाका कारण भएको पहिरोमा पुरिएर ११ जनाको मृत्यु, २ जना बेपत्ता र २ जना घाईते भएको खवरले स्तब्ध भएको बताउनु भएको छ ।
यस दुःखद घटनामा हराईरहेका ब्यक्तिहरुको खोजिकार्य तिब्रपार्दै राहत र उद्धारमा जुटन सवै पक्षसँग नेता भण्डारीले अनुरोध गर्नुभएको छ । नेता भण्डारीले दुःखद घटनाका मृतक प्रति भावपूर्ण श्रद्धाञ्जली अर्पण गर्दै घाईतेहरुको सिघ्र स्वास्थ्य लाभको कामना गर्नुभएको छ ।
पहिरोमा पुरिएर सत्यवती गाउँपालिका वडानम्बर ४ लिम्घामा ८ जना र ठूलो लुम्पेकमा ३ जनाको मृत्यु भएको छ ।
